Қазақстанда тұрмыстық зорлық-зомбылық өткен жылмен салыстырғанда 2,8 есе өскен

Ең көп құқық бұзушылық Алматы облысында тіркелді – 202 жағдай (бұл 2023 жылғы 56 жағдаймен салыстырғанда 3,6 есе көп). Алматы 155 жағдаймен екінші орынға шықты (бір жыл бұрынғыдан жеті есе көп). Түркістан облысы 135 жағдаймен үшінші орында тұр, өткен жылдың сәйкес мерзімінде бұл көрсеткіш 28 болған.

Отбасы-тұрмыстық саладағы ең аз қылмыс Ұлытау (29 жағдай), Абай (35 жағдай) және Солтүстік Қазақстан (42 жағдай) облыстарында тіркелген.

Сарапшылардың жазуынша, мұндай қылмыстар санының өсуі Қазақстанның барлық аймақтарында байқалады және бұл заңнамадағы жаңа өзгерістерге байланысты.

Қылмыстың ең көп үлесін (39,4%) ұрып-соғу құрайды – сегіз айда 628 оқиға болған. Сондай-ақ денсаулыққа қасақана жеңіл зиян келтіру (22,2% немесе 354 құқық бұзушылық) және денсаулыққа орташа ауырлықтағы зиян келтіру (213 жағдай, бір жыл бұрынғыдан 0,5%-ға аз) жиі кездеседі.

Басқа да жиі кездесетін қылмыстарға мыналар жатады: денсаулыққа қасақана ауыр зиян келтіру (186 жағдай), кісі өлтіру (74 жағдай), зорлау және сексуалдық зорлау (әрқайсысы 27 жағдай).