Жазылу
KITAP FEST фестивалі басталды
Шымкентте алғаш рет республикалық «Kitap Fest» кітап фестивалі өтеді.
Тұңғыш Президент күніне орай кітап оқу, кітапқа деген құштарлықты насихаттауға арналған іс-шараны Шымкент қаласы ішкі саясат және жастар істері жөніндегі басқармасының «Рухани жаңғыру» бөлімі ұйымдастыруда.
Фестивалге Нұр-Сұлтан, Алматы, Шымкент қалаларынан белгілі баспа үйлері, кітап дүкендері қатысады деп жоспарлануда. Бұл күні кітапхана өкілдері де оқырмандармен ашық диалог құруға дайын.
«Қазақ университеті», «Фолиант», «Книжный клуб», «Жебе», «Қызмет газеті», «Шұғыла кітап» баспа үйлері, М. Әуезов атындағы ОҚУ жобалық кеңсесі, «Эрудит», «Қазына» кітап дүкендері мен Шымкент қаласының кітапханалары кітап әлеміне өздеріңізбен бірге саяхат жасауға шақырады.
Сондай ақ, фестивальге келуші әр оқырман баспа үйлерінен және дүкендерінен алған кітаптарының бірін арнайы ашылған «Балаларға базарлық» қайырымдылық бұрышына қалдыра алады. Онда жиналатын кітаптар фестиваль қорытындысында қаламыздың аз қамтылған және тұрмысы төмен, көпбалалы отбасыларының балаларына еріктілер көмегімен таратылады.
Қатысушылар: өңірдің зиялы қауым өкілдері, жастар, кітапхана оқырмандары, жоғары оқу орындарының және колледж студенттері, мектеп оқушылары, ата-аналар, жалпы қала тұрғындары мен қонақтары.
Іс-шара «Көрме» орталығында бір аптаға жалғасатындықтан сүйікті авторларыңыздың шығармаларын таңдап жақындарыңызға ең құнды сыйлық жасауға да болады.
Тел.: 87477879091, 87027120377 Электронды пошта: ruhani_jangyru@bk.ru
