«Қолданбадағы қауіпті хабарлама»: Kaspi желідегі хабарлама туралы айтты

Бір күн бұрын әлеуметтік желілерде алаяқтардың Kaspi қосымшасы арқылы қазақстандықтарды алдаудың жаңа әдісін тапқаны туралы ақпарат тараған болатын. Атап өткендей, азаматтарға осындай хабарлама келіп «толығырақ» түймесін басқан кезде Kaspi-ден ақша автоматты түрде есептен шығарылған.

Kaspi баспасөз қызметі қазақстандықтардың алаңдаушылығына жауап беріп, бұл алаяқтықтың жаңа түрі деген ақпаратты жоққа шығарды.

"Бұл шындыққа жанаспайды және жалған. "Шектеу туралы толығырақ" түймесін басқаннан кейін ақша есептен шығарылмайды. Есептік жазбаға салынған шектеу туралы толық ақпарат жай ғана көрсетіледі", - деді Kaspi хабарламада.

Сондай-ақ компания қазақстандықтарды ақпарат алу кезінде абай болуды және мессенджердегі жалған хабарламаларға сенбеуге кеңес берді.