Қостанай облысында жоғалып кеткен әже мен немеренің денесі табылды

Қостанайға барып азық-түлік сатып алмақшы болып, жоғалып кеткен әжесі мен немересінің мәйіті ауылдың шетінен табылған, деп хабарлады Zhasalash.kz.

68 жастағы әйел мен 11 жастағы қыз 2023 жылдың 26 ​​желтоқсанында таңертең Степное ауылынан шығып, үйіне оралмаған соң іздеу жарияланған. Олар Қостанайға барып азық-түлік сатып алмақ болған.

Полицейлер із-түзсіз жоғалған әжесі мен немересін табу үшін дереу іздестіру жұмыстарын ұйымдастырды. Іздеу жұмыстарына 120-ға жуық адам мен алты техника жұмылдырылды.

«2023 жылы 27 желтоқсанда сағат 12-лер шамасында Степное ауылының шетінен жоғалған адамдардың мәйіті табылды. Оқиға орнында жедел-тергеу тобы жұмыс істеп жатыр», - деді Қостанай облысы әкімдігінің баспасөз қызметі.