Лукашенко: «Егер бейбітшілікті қаласаңыз, соғысқа дайындалыңыз»

Бұл туралы ол Гродноға жұмыс сапары кезінде бір топ шенеуніктердің және жергілікті тұрғындарды жинаған кезде айтты.

«Біз соғысқа дайындалып жатырмыз, мен бұл туралы ашық айтамын. «Егер сіз бейбітшілікті қаласаңыз, соғысқа дайындалыңыз» - деген сөзді айтқан мен емеспін. Бірақ, бұл өте дұрыс айтылған сөз. Егер ол жақтан (Батыс) біреу айқайлап, сынаса, демек, біз дұрыс істеп жатырмыз. Егер олар бізді мақтай бастаса, бұл апат», - деді Лукашенко.

Беларусь - Ресейдің Украинаға басып кіруін ашық қолдайтын әлемдегі жалғыз мемлекет. Лукашенко ел аумағын ресейлік әскерилерге трамплин ретінде берді. Сондай-ақ, ол егер Украина Беларусьқа шабуыл жасаса, соғысуға дайын екенін мәлімдеді.

2023 жылы Минск пен Кремль Ресейдің ядролық қаруы Беларусь аумағында орналасады деп келісті (Беларусь бұрын ядросыз мемлекет болған, бірақ оның мәртебесі ел Конституциясына түзетулер енгізілгеннен кейін өзгерді).

Фото: PRESIDENT.GOV.BY