Мароккодағы жер сілкінісі құрбандарының саны екі мыңнан асты

Марокко Ішкі істер министрлігі екі күн бұрын кешкі уақытта болған жер сілкінісі туралы жаңа ақпаратпен бөлісті.

Министрлік мәлімдемесінде эпицентрі Марракештің әл-Хауз ауданында болған 7 балдық жер сілкінісінен қаза тапқандар саны екі мыңнан асып, жарақат алғандар саны 2421-ге жетті.

Марокко баспасөзі екі күн бұрын жергілікті уақытпен 23:10-да болған жер сілкінісінің ел астанасы Рабат, Касабланка, Мекнес, Агадир және Фес қалаларында сезілгенін хабарлады.

Құрбандардың көпшілігі Әл-Хауз, Тарудант, Шивава, Уарзазат, Марракеш, Азила, Агадир, Касабланка және Юсифи аймақтарында тіркелді.

Апат аймағында іздестіру-құтқару жұмыстары жалғасып жатыр. Азаматтық қорғаныс күштерінен басқа әскерилер де тартылды.

Айта кетейік, Мароккода 9 қыркүйекке қараған түні болған 7 баллдық жер сілкінісі ел тарихындағы кейінгі жүз жылдағы ең күшті жер сілкінісі болды.