Мен Қазақстанның азаматымын!

Бұл 2020 жылғы Еуропа чемпионатының іріктеу кезеңі аясындағы алғашқы ойын. Матчтан кейін Қазақстан ұлттық құрамасының жартылай қорғаушысы Александр Меркель тілшілердің сауалына жауап берді. Александр Меркель Алматы қаласының қасындағы Есік қаласында дүниеге келген. Әкесі Кеңес өкіметі кезінде «Қайрат» футбол клубының сапында ойнаған. Кейіннен 1998 жылы тарихи отаны Германияға көшіп кеткен екен. Ол жақта Александр «Штугарттың» футбол академиясында тәлім алды. Германияның жасөспірімдер және жастар құрамасына шақырылып та жүрді. Италияның «Милан», «Удинезе», «Дженоа» клубтарында және ағылшынның «Уотфорд» командасында өнер көрсеткен. Қазіргі кезде Голландия чемпионатында доп тебеді.Меркель 2015 жылы Қазақстан азаматтығын алып, Исландияға қарсы бір ойынға қатысқан. Содан кейін Меркельдің қарасын көрген жоқ едік. Енді, Меркель Қазақстан үшін ойнамай ма деп жүргенде құрамаға жаңадан тағайындалған бас бапкер Михал Билек футболшының тілін тапқан тәрізді.Меркель Шотландиямен ойында алғашқы голдың соғылуына өз ықпалын тигізді. Оның алаң ортасынан қиып берген пасын Юрий Перцух тиімді пайдаланып, матчтағы есепті ашты.– Бұған дейін сізде Қазақстанның көк төлқұжаты жоқ деген әңгіме болды. Бұл мәселе түпкілікті шешілді ме?– Менде бұл жөнінен ешқандай проблема болған емес. Ең алғашқы ойынымды Исландияға қарсы өткіздім. Ол кезде төлқұжатым қалтамда жүрді. Мұндай жалған ақпараттың қайдан шығып кеткенін білмеймін. Қазақстан құрамасының намысын қорғап жатқаныма қуаныштымын.– Сонда құрама бапкерлері осыған дейін өздері шақырмаған ба?– Дәл солай. Мені ешкім шақырмады.– Ал қазір әсеріңіз қандай?– Қуаныштымын. Қатты қуандым. Мен осы елде дүниеге келдім. Енді Қазақстанның намысын қорғағанды қалаймын. Бүгін керемет ойын өтті. Жанкүйерлерге алғыс білдіремін. Бізді қолдауға 27 мың адам келді. Бұл жақсы көрсеткіш.– Шотландияны жеңу үшін Билек қандай тактика қолданды?– Меніңще, ол көп ақпарат жинады. Біз бір-бірімізге жақын ойнадық. Соңына дейін тырысып, қолдан келгенді аянып қалмадық. Сөйтіп, нәтиже де өздігінен келді.– Шотландия несімен таңқалдырды?– 3:0 есебімен жеңгендіктен, олар таңқалған болар. Біз матчты жақсы бастадық. Бірінші таймда екі гол соғылды. Әріқарай ойынымыз жүрді.– Ресеймен де дәл осылай ойнау керек пе? Әлде тактика өзгере ме?– Бүгін дұрыстап ұйықтап аламыз. Сосын ертең көре жатармыз.– Мынандай ойыннан кейін ұйқы келе ме?– Екі күннен кейін матч бар, біз көп күш керек. Тамақ ішкеннен кейін тыңығумыз қажет. Бүгін бізді Ресей құрамасы қызықтырмайды. Бұл енді ертеңгі күннің шаруасы.– Жеңісті кімге арнайсыз?– Елімізге арнаймыз. Стадионда жақсы атмосфераны сезіне алдық.– Осы матчта сары қағаз алдыңыз. Бұған келіспейсіз бе?– Меніңше, сары қағаз беретіндей ештеңе бола қойған жоқ. Болары болды, не істей аламын? Ең бастысы, құрама жеңіске жетті.– Бүгін алғаш рет «Астана-Арена» стадионында ойнадыңыз. Көңіл күйіңіз қалай?– Керемет. Егер, 3:0 есебімен жеңіске жетсең, қалай көңіл күй нашар болсын.– Басқа жақтан келгендердің көбісі, жасанды алаңға сын айтып жатады.– Алаң өте жақсы. Біз Шотландиямен ойнап, 3:0 есебімен жеңіске жеттік. Алаңның ешқандай кемшілігін көрген жоқпын.Фотоны автор ұсынды.