Министр Балаева мектептегі хиджаб кию мәселесі бойынша мәлімдеме жасады

Мәдениет және ақпарат министрі Аида Балаева мектептерде хиджаб киюге қатысты пікір білдірді.

"Қазіргі уақытта мектептерде хиджаб кию мәселесі тағы да өзекті болып отыр. Осы орайда мынаны түсіндіргім келеді. Қазақстан Конституцияға сәйкес діннен бөлінген зайырлы мемлекет", — деді Балаева.

Оның айтуынша, мемлекет діни сенім бостандығына кепілдік береді.

«Мемлекеттік саясаттың барлық мәселелері діни нормалармен емес, азаматтық заңнамамен реттеледі, ал нормативтік құқықтық актілер мектеп формасын кию стандарттарының сақталуын талап етеді.

Тағы да Конституцияға оралсақ, мектептің міндеті – ел азаматтарына сапалы білім беруге кепілдік беру және қамтамасыз ету. Менің ойымша, қазақстандықтар жақсы білім алып, кәмелеттік жасқа келгенде дін және діни киім таңдауды өз бетінше шешеді», — деді  министр.

Естеріңізге сала кетейік, қазақстандық ата-аналардың мектептерде хиджаб киюге рұқсат етілгеніне қатысты пікірлері екіге жарылды.