Жазылу
Министрлік: 97 жастағы науқастың өлімін коронавируспен байланыстырмау туралы шешім қабылданды
Алматы қалалық қоғамдық денсаулық сақтау басқармасы 26 сәуірде кешке қарай қалада коронавирус жұққан 97 жастағы науқастың қайтыс болғанын хабарлаған еді.
Бір сағаттан кейін коронавирус жұққан науқастардың өлімін зерттеу бойынша комиссияның науқастың өлімін індетпен байланыстырмау туралы шешім қабылдағаны белгілі болды. Бұл туралы денсаулық сақтау министрлігі хабарлады.
Министрлік өкілдерінің айтуынша, "коронавирус инфекциясы өзге ауру түрлерімен қатар келген" — науқастың қайтыс болуының негізгі себебі вирус емес.
Бұған дейін дәрігерлер науқастың қайтыс болуына ми қан айналымының бұзылуы, сол жақ гемиплегия, ишемиялық кардиомиопатия, асқазан экстрасистолиясы, дизартрия, сол жақ пневмония, тыныс алу және жүрек қан тамырларының бұзылуы себеп болғанын айтқан болатын.
Қазақстанда коронавирустан барлығы 25 науқас қайтыс болған. Алматыда 8 адам өлімі болған. Елде вирус жұқтырғандар 2693 адамға жетті. 677 адам жазылған.
Telegram бізге жазылыңыз
