Оңтүстік Қазақстанда ауыр жол апатынан алты адам қаза тапты

Түркістан облысының полициясы 2025 жылдың 3 ақпанында «Кентау-Түркістан» тас жолының 5- шақырымында екі «Ауди» көлігі соғысып, өртеніп кеткенін хабарлады.

"Алдын ала мәлімет бойынша, көліктердің бірінің жүргізушісі қарсы жолаққа шығып кетіп, басқа көлікпен бетпе-бет соғысқан. Оқиға салдарынан 6 адам қаза тауып, 4 зардап шегуші түрлі дене жарақатымен аудандағы медициналық мекемеге жатқызылды", - деп хабарлады полиция.

Полицейлер оқиғаның мән-жайын анықтап жатыр.