Пәкістан шекара бекетінде атыс болып, 37 ауған сарбазы қаза тапты

Бұл туралы елдің ақпарат және телерадио министрі Аттаулла Тарар хабарлады.

Оқиға 2 сәуірден 3 сәуірге қараған түніХайбер-Пахтунхва өңіріндегі Ғулам-Хан ауданында болған.

Министрдің айтуынша, 80-нен астам ауған сарбазы жараланған. Пәкістан тарапы өз шығындары туралы мәлімет бермеген.

Қақтығыстар күшейген

Тарардың мәліметінше, ақпан айының соңынан бері болған қақтығыстарда:

• Ауғанстан кемінде 796 әскери қызметкерінен айырылған;

• мыңнан астам сарбазы жарақат алған.

Сонымен қатар Пәкістан:

• көрші ел аумағындағы 81 нысанға соққы жасаған;

• 286 блокпостты жойған;

• тағы 44 бекетті өз бақылауына алған.

Шекарадағы шиеленіс

26 ақпанда Пәкістан мен Ауғанстан шекарасындағы жағдай қайта ушыға түсті.

Кабул тарапы Пәкістанның әуе соққыларына жауап ретінде әскери операция бастағанын мәлімдеген.