Петропавлда 72 жастағы қос азаматтығы бар ер адамға айыппұл салынды

Петропавл стансасындағы желілік полиция бөлімінің көші-қон қызметінің қызметкерлері ҚР ҰҚК Шекара қызметінің өкілдерімен бірлесіп Кисловодскіде жолаушылар пойызын тексеру кезінде тәртіп бұзушыны анықтады.

«Ресей Федерациясының 72 жастағы азаматы Қазақстан Республикасының азаматтық туралы заңнамасын бұзды», - деп хабарлады Солтүстік Қазақстан облысының полиция департаментінің баспасөз қызметі.

Көлік полициясы Қазақстан Республикасы ӘҚБтК-нің 496-бабының 2-бөлігімен «Шетел азаматтығын алу фактісі туралы Қазақстан Республикасының заңнамасында белгіленген мерзімде хабарламау» бойынша әкімшілік хаттама толтырды және материалды Петропавл қаласының әкімшілік құқық бұзушылық істер жөніндегі мамандандырылған сотына жолданды.

Сот шешімімен ер адам 200 АЕК (690 мың теңге) көлемінде әкімшілік айыппұл түріндегі әкімшілік жауапкершілікке тартылды.

Айта кетейік, Қазақстан Республикасының Әкімшілік құқық бұзушылық туралы кодексінің 496-бабы Қазақстан Республикасының азаматтық туралы заңнамасын бұзғаны үшін жазалау тәртібін реттейді.

Осылайша, 1-бөлікке сәйкес Қазақстан Республикасы азаматтығынан айырылған адамның Қазақстан Республикасы азаматының төлқұжатын немесе жеке куәлігін пайдалануы жеке тұлғаларға 100 АЕК (345 мың теңге) мөлшерінде айыппұл салуға әкеп соғады.