Қазақстан журналистері тау шаңғысы бойынша сынға түсті

Мұндай жарыс Қазақстанда алғаш рет ұйымдастырылып отыр. Жарысты SCIJ Kazakhstan шаңғышы журналистер клубы «Шымбұлақ» ТШК-мен бірігіп ұйымдастырған. Мәдениет және спорт министрілігі мен Қазақстанның Халық банкінің қолдауымен өткен жарысқа 28 БАҚ өкілдері қатысты. Олар «Жас Қазақ», «Время», «Тенгриньюс», «Жас Алаш», «Литер», «Экспресс-К», «МК в Казахстане», «Караван», Expert Kazakhstan, Prosports.kz, Vesti.kz  сияқты басылымдар мен КТК, Мир, «Алматы» телеарналарының атынан сынға түсті.SCIJ Kazakhstan – шаңғы спортына қызығатын журналистердің басын қосатын қоғамдық бірлестік. Қазақстанның SCIJ клубы 2012 жылы құрылып, 2013 жылы халықаралық SCIJ ұйымына мүшелікке қабылданды.SCIJ (International Ski Club of Journalists) әлем бойынша жұмыс істейтін журналсит-шаңғышылар клубы. 1951 жылдан бері жұмыс істейді. Әлемдік клуб мүшелері жыл сайын кездесіп, өзара сынға түсіп тұрады. 1955 жылдан бүгінге дейін әлемнің деңгейі жоғары деген тау-шаңғы кешендері бұл  клуб өкілдерін қабылдап, 65-ке жуық кездесу ұйымдастырылған. Дәстүр бойынша бұл жарысқа таңдаулы 250 журналист қатысады. Алып слалом мен жүгіру шаңғысы бойынша өтетін бұл турнирді шаңғыдан журналистердің арасындағы әлем чемпионаты деп те атайды.  Қазақстандық клуб алғаш рет 2012 жылы Түркияда өткен кездесуге қонақ ретінде қатысса, 2013 Италияда өткен жарысқа қатысуға мүмкіндік алды. Қазақстандық SCIJ клубы құрылғанда команда құрмаында 7 адам болған, биыл солардың саны 27-ге жетті. Аталмыш жарыстан кейін клуб мүшелерінің саны тағы да артатынын айтады клуб жетекшілері.Клуб соңғы 5 жыл көлемінде «Шымбұлақ» ТШК-мен әріптестікте жұмыс істеуде.[caption id=«attachment_25369» align=«alignnone» width=«696»]Журналистер сырғанау жолының күрделі болғанын айтады[/caption]Слалом бойынша сынға түскен журналистердің арасында ең жоғарғы нәтиже 44 секунд болды. Андрей Кукушкин ерлер арасында чемпион атанса, одан 3 секунд төмен нәтиже көрсеткен Егорь Ильин екінші орын алды. Үшінші орын Павел Михеевке бұйырды. Ал, қыздар арасындағы жарыста Анастасия Наумецкая, Александра ГУЗЕВА, Ирина БАЖЕНОВА жазылу реті бойынша үш орынды бөлісті.Фото Роман Егоровтікі.