Жазылу
18:10, 21 Шілде 2018
Қош бол, чемпион!
Бүгін Алматы халқы мәнерлеп сырғанаудан 2014 жылғы Сочи Олимпиадасының қола жүлдегері, танымал спортшы Денис ТЕНДІ ақтық сапарға шығарып салды.
Қоштасу рәсімі өткен Балуан Шолақ атындағы спорт сарайына халық таңғы сағат алтыдан бастап жинала бастады. Денис Тенді шығарып салуға мыңдаған адам келді.
Халық қарасы тым көп болғандықтан, қоштасу рәсіміне келген жұрттың көбі спорт сарайына кіре алмай қалды. Ал қоштасуға кіре алғандар гүл шоқтарын қойып, чемпионға тағзым етті.
Халық қарасы үзілмегендіктен, сағат онға жоспарланған қоштасу рәсімінің ресми бөлігі сағат он бірге қарай кешіктіріліп басталды.
Д.Тенді ақтық сапарға шығарып салушылардың арасында көз жастарына ерік бергендер көп болды.
Тағзым етуге арналған орын гүл шоқтарына лезде толды.
Денис Тенмен қоштасуға келген танымал спортшылардың арасында Жансая ӘБДУМӘЛІК, Серік СӘПИЕВ пен Ермахан ЫБРЫМАЙЫМОВТАР болды.
Қаралы жиында сөйлеген ұлттық конькишілер федерациясының басшысы Болат ЖӘМІШЕВ Денис Теннің Қазақстан атын әлемге танытуға өлшеусіз үлес қосқанын ерекше атап өтті. Азалы жиынға қатысқандардың арасында Мәдениет және спорт министрі Арыстанбек МҰХАМЕДИҰЛЫ, Алматы қаласы әкімінің орынбасары Сұлтанбек МӘКЕЖАНОВ та болды. Арыстанбек Мұхамедиұлы президент Нұрсұлтан Назарбаевтың көңіл айту жеделхатын оқып берді. Ал қала әкімі Бауыржан Байбек жиында көрінбеді.
Қазақтан шыққан тұңғыш Олимпиада чемпионы Жақсылық ҮШКЕМПІРОВ Денис Теннің спортта жеткен жетістігімен қатар азаматтығын да атап өтті.
Қаралы жиында сөйлеген бокстан Олимпиада чемпионы, Мәжіліс депутаты Серік СӘПИЕВ қатты толқып, көзіне жас алды.
Денис Тенді ақтық сапарға шығарып салуға кәсіпқой боксшы Геннадий ГОЛОВКИН АҚШ-тан арнайы келді.
Қаралы жиынға Денис Теннің ата-анасы Юрий және Оксана Тендер де қатысты. Бірақ олар ақпарат құралдары өкілдерінен өздерін суретке түсірмеуді сұрады. Денис Теннің туыстары атынан соңғы болып сөз сөйлеген Алмас МЫРЗАБЕКОВТІҢ ұсынысы бойынша көпшілік Денис Тенді оның өзі жазған және орындаған сүйікті әнімен, қол соғып шығарып салды.
Денис Тен Алматы түбіндегі Достық шағын ауданындағы зиратқа жерленді.
Азалы жиыннан шыққан жұрт.Фотолар автордікі, Г.Головкиннің фотосы tengrinews.kz сайтынан алынды.
Халық қарасы тым көп болғандықтан, қоштасу рәсіміне келген жұрттың көбі спорт сарайына кіре алмай қалды. Ал қоштасуға кіре алғандар гүл шоқтарын қойып, чемпионға тағзым етті.Халық қарасы үзілмегендіктен, сағат онға жоспарланған қоштасу рәсімінің ресми бөлігі сағат он бірге қарай кешіктіріліп басталды.Д.Тенді ақтық сапарға шығарып салушылардың арасында көз жастарына ерік бергендер көп болды.Тағзым етуге арналған орын гүл шоқтарына лезде толды.Денис Тенмен қоштасуға келген танымал спортшылардың арасында Жансая ӘБДУМӘЛІК, Серік СӘПИЕВ пен Ермахан ЫБРЫМАЙЫМОВТАР болды.Қаралы жиында сөйлеген ұлттық конькишілер федерациясының басшысы Болат ЖӘМІШЕВ Денис Теннің Қазақстан атын әлемге танытуға өлшеусіз үлес қосқанын ерекше атап өтті. Азалы жиынға қатысқандардың арасында Мәдениет және спорт министрі Арыстанбек МҰХАМЕДИҰЛЫ, Алматы қаласы әкімінің орынбасары Сұлтанбек МӘКЕЖАНОВ та болды. Арыстанбек Мұхамедиұлы президент Нұрсұлтан Назарбаевтың көңіл айту жеделхатын оқып берді. Ал қала әкімі Бауыржан Байбек жиында көрінбеді.Қазақтан шыққан тұңғыш Олимпиада чемпионы Жақсылық ҮШКЕМПІРОВ Денис Теннің спортта жеткен жетістігімен қатар азаматтығын да атап өтті.Қаралы жиында сөйлеген бокстан Олимпиада чемпионы, Мәжіліс депутаты Серік СӘПИЕВ қатты толқып, көзіне жас алды.Денис Тенді ақтық сапарға шығарып салуға кәсіпқой боксшы Геннадий ГОЛОВКИН АҚШ-тан арнайы келді.Қаралы жиынға Денис Теннің ата-анасы Юрий және Оксана Тендер де қатысты. Бірақ олар ақпарат құралдары өкілдерінен өздерін суретке түсірмеуді сұрады. Денис Теннің туыстары атынан соңғы болып сөз сөйлеген Алмас МЫРЗАБЕКОВТІҢ ұсынысы бойынша көпшілік Денис Тенді оның өзі жазған және орындаған сүйікті әнімен, қол соғып шығарып салды.Денис Тен Алматы түбіндегі Достық шағын ауданындағы зиратқа жерленді.Азалы жиыннан шыққан жұрт.Фотолар автордікі, Г.Головкиннің фотосы tengrinews.kz сайтынан алынды.
