Ресей қорғаныс министрлігі Донецк түбіндегі Кураховоның алынғанын хабарлады

Украинаның Донецк облысындағы Курахово қаласы ресейлік әскерлердің бақылауына өтті, делінген дүйсенбі, 6 қаңтарда Telegram-да жарияланған Ресей қорғаныс министрлігінің хабарламасында.

Ресей тарапының мәліметінше, қаланы басып алу операциясы кезінде Украина Қарулы Күштері  «12 мыңнан астам жеке құрамнан, 3 мыңға жуық түрлі қару-жарақ пен әскери техникадан, оның ішінде 40 танк пен басқа да броньды жауынгерлік техникадан» айырылды. «Курахово маңындағы екі айлық ұрыс қимылдары кезінде Украина Қарулы Күштерінің күнделікті шығыны орташа есеппен 150-ден 180-ге дейін әскери қызметкер қаза тауып, жараланды», - делінген Ресей Қорғаныс министрлігінің мәлімдемесінде.

Бұл деректерді объективті түрде тексеру мүмкін емес. Кураховоны басып алу операциясы кезінде ресейлік тараптың шығыны көрсетілмеген.

Ресей Қорғаныс министрлігі бұл қаланың Донецк бағытындағы украин әскерлерін логистикалық және техникалық қамтамасыз ету тұрғысынан Украина Қарулы Күштері үшін маңызды логистикалық хаб болғанын еске салады.