«Росатомның» басшысы Тоқаевпен кездесу туралы өтініш білдірді - БАҚ

8 қазанда Қазақстанда АЭС салу туралы референдум нәтижелері жарияланғаннан кейін (қазақстандықтардың 71,12%-ы қолдап дауыс берді), «Росатом» бас директоры Алексей Лихачев Қазақстан президенті Қасым-Жомарт Тоқаевпен және премьер-министр Олжас Бектеновпен кездесу туралы өтініш білдірді.

«Ресей Федерациясының Қазақстан Республикасындағы Елшілігі Қазақстан Республикасының Сыртқы істер министрлігіне құрмет білдіре отырып, 2024 жылдың қараша айының соңына дейін Қазақстан Республикасының Президенті Қ.К. Тоқаев және Қазақстан Республикасының Премьер-министрі О.А. Бектеновпен "Росатом" мемлекеттік атом энергетикасы корпорациясының Бас директоры А.Е. Лихачевтың кездесулерін ұйымдастыруға көмек көрсетуді сұрайды», - деп жазылған «Қазақстан Мұнай және Газ» Telegram-арнасында жарияланған хатта.

Хат 11 қазанда жіберілгені көрсетілген, ал Ресей тарапы кездесуді 28 қазан немесе 14 қарашаға жоспарлауды ұсынған.