Шымкентте бір түнде бірнеше адамды өлтірген күдікті ұсталды

Полицияға алғашқы хабарлама 4 қаңтар күні сағат 18:00 шамасында түскен. 48 жастағы ер адам Абай даңғылында көптеген жарақатпен табылды. Жәбірленуші ауыр халде ауруханаға жеткізілген.

«4 қаңтарда №1 қалалық ауруханаға 1975 жылы туған азамат көптеген пышақ жарақатымен ауруханаға жеткізілді. Операциядан кейін науқас жансақтау бөліміне ауыстырылды. Зардап шегушінің жалпы жағдайы ауыр. Хаттама бойынша ем тағайындалды», - деп хабарлады Шымкент қалалық денсаулық сақтау басқармасының баспасөз қызметі.

Біраз уақыттан кейін екінші хабарлама келді. 1 мамыр көшесінде 1984 жылы туған ер адамның мәйіті табылған. Жұма күні, 5 қаңтарда сағат 12:00 шамасында Шымкенттің Еңбекші ауданында тағы бір адамның мәйіті табылды.

Посмотреть эту публикацию в Instagram

Публикация от ОТЫРАР Новости Шымкент (@otyrarkz)

Сол күні Тәуке хан даңғылында қылмыс жасады деген күдікті ұсталды. Ақпаратқа сәйкес, ол 28 жаста, жұмыссыз.

"Күдікті қамауға алынды. Аса ауыр қылмыс жасау дерегі бойынша қылмыстық іс қозғалды. Тергеу шаралары жүргізіліп жатыр. Қажетті сараптамалар тағайындалды. Тергеу мүддесіне қатысты басқа мәліметтер жария етілмейді", - делінген Шымкент қалалық ПД мәлімдемесінде.