Жазылу
15:21, 12 Қаңтар 2024
Шымкентте мектеп оқушысы сабақ үстінде қаза болды
Қайғылы оқиға 11 қаңтарда №48 орта мектепте дене шынықтыру сабағында орын алған. Оқушы сегізінші сыныпта оқиды. Оның кенеттен жүрегі тоқтап қалып, оқиға орнында көз жұмған. Марқұм болған бала отбасында үш баланың ортаншысы болған.
«Мектеп медбикесі алғашқы медициналық көмек көрсетіп, жедел жәрдем шақырды. Келген жедел жәрдем бригадасы екінші төтенше жағдайды шақырды. Алайда жедел медициналық көмек келгенше баланың жүрегі тоқтап, қайтыс болды»,- деп хабарлады Шымкент қалалық білім басқармасының баспасөз қызметі.
Ведомстводан құзырлы органдар тексеру жүргізіп жатқанын қосты. Полицейлер бұл ақпаратқа әзірге түсініктеме берген жоқ.
