Ішкі істер министрлігі Қазақстанда рақымшылық жасау идеясын қолдады

Ішкі істер министрлігінің жауабында айтылғандай, «мұндай рақымшылық актісін қолдану туралы ұсыныс концептуалды түрде қолдау тапты».

Министрлік рақымшылық жасауды қарастыру кезінде жасалған қылмыстың ауырлығынан бөлек, сотталғанның әлеуметтік жағдайын да ескеруді ұсынып отыр. Ішкі істер министрлігінің мәліметінше, бүгінде 29 мүмкіндігі шектеулі әйел, 60 жастан асқан 243 әйел, 13 жүкті әйел, қолында жас балалары бар 58 әйел, 226 көп балалы ана жазасын өтеп жатыр.

«Талаптары өтелмеген әйелдерге (3910 адам) бас бостандығынан айыруды жеңілдетілген жаза түрімен ауыстыру арқылы жазаны жеңілдетуді қамтамасыз ету қажет», - делінген министрліктің жауабында.