Словакияда үкіметке қарсы наразылық өтіп жатыр

24 қаңтарда Словакияда бірнеше мың адам ел үкіметінің саясатына наразылық білдіріп, көшеге шықты. dpa агенттігінің хабарлауынша, шерушілер премьер-министр Роберт Фицоның отставкаға кетуін талап еткен. Ұйымдастырушылардың айтуынша, сол күні ең үлкен алаң — Словакия үкіметінің Братиславадағы штаб-пәтері алдында 60 мыңға жуық адам жиналған.

 «Миер Украина» («Украинаға бейбітшілік») ұйымы адамдарды наразылық шеруіне қатысуға шақырған. Оның өкілі Мариан Кулич жақтастары Ресеймен «ынтымақтасуға» қарсы екенін айтты.

 Роберт Фицоны неге сынап жатыр?

Словакия үкіметін сынаушылар Роберт Фицо барған сайын авторитарлық, «ресейшіл» бағытты жалғастыруда деп санайды. Фиконың өзі мұндай айыптаулардың барлығын жоққа шығарады. 

«Бұл үкімет ешқашан біздің Еуропалық Одақ пен НАТО-ға мүшелігімізге күмән келтіретін қадамдарға бармайды», - дейді премьер-министр.

Фико Словакияның ұлттық резервінен Украинаға қару-жарақ жеткізуді тоқтатты. Бұған қоса, ол осы қуат көздеріне тәуелді Словакия Мәскеуден де көп зардап шегеді деп есептеп, Еуро Одақтың Ресей мұнайы мен газына салған санкцияларын бірнеше рет сынаған. Сонымен бірге, Словакияның Венгриядан айырмашылығы, Украинаға басып кіруіне жауап ретінде ЕО-ның Ресейге қарсы барлық шараларын қолдады, деп жазды dpa.