Трамп Иранмен ядролық келісімге қол жеткізгісі келетінін айтты

АҚШ президенті Дональд Трамп Иранға қарсы әскери операция бастағаннан гөрі келісімге келгенді жөн көреді. Бұл туралы ол 8 ақпанда The New York Post басылымына берген сұхбатында айтты.

"Мен Иранмен ядролық келісімге келгенді жөн санаймын. Мұны соғыстан артық көремін. Ешкім соғыста өлгісі келмейді. Егер біз келісім жасасақ, Израиль оларды бомбаламайды", - деді Трамп.

Ол Иранмен келісімнің қандай болатыны туралы толық мәлімет бермеді.

АҚШ 2015 жылғы ядролық келісімнен шыққаннан кейін Иран 2019 жылы ядролық зерттеулерді қайта бастады. 2025 жылдың ақпанында The New York Times газетіне сілтеме жасаған АҚШ барлау қызметінің есептеріне сәйкес, иран инженерлері ядролық қару жасаудың қысқа жолын зерттеп жатыр, оған бір жыл немесе одан да аз,уақыт қажет болуы мүмкін.

2024 жылдың желтоқсанында Трамптың Иранның өз ядролық қаруын жасауына жол бермеудің бірнеше нұсқасын қарастырып жатқаны, соның ішінде Иранның ядролық нысандарына соққы беруі туралы хабарланған.

Былтыр қарашада Иран президенті Масуд Пезешкиан Атом Қуаты Халықаралық Агенттігінің басшысы Рафаэль Гроссимен кездесті. Гросси келіссөздер жүргізу үшін Иранға келді. Ол сондай-ақ Иранның Сыртқы істер министрі Аббас Аракчимен және Иранның ядролық агенттігінің басшысы Мохаммад Исламмен кездесулер өткізді. МАГАТЭ директоры Ирандағы бірнеше ядролық нысандарды аралап, Иранның ядролық бағдарламасының дамуымен танысқан.

Пезешкианның айтуынша, Иранның ядролық бағдарламасы тек бейбіт мақсатты көздейді және МАГАТЭ-нің барлық талаптарына сәйкес келеді.