Украинадағы миналарды тазартуға жүздеген жыл қажет болуы мүмкін

Словакияда орналасқан GLOBSEC сараптама орталығының есебіне сәйкес, Украина аумағының 30 пайызға жуығы еңбекті көп қажет ететін, қымбат және қауіпті миналарды тазартуға мұқтаж. Соғыстардың жалғасуы нақты зерттеулер жүргізуге мүмкіндік бермесе де, Украинаның миналанған дәрежесі Ауғанстан мен Сирия сияқты миналанған басқа елдерден асып түседі.

HALO Trust халықаралық коммерциялық емес минадан тазарту ұйымы ашық бастапқы деректер негізінде Украинада минадан тазартуды қажет ететін 2300-ден астам оқиғаны анықтады.

Ресей шабуылы басталған 2022 жылдың ақпанынан бері БҰҰ снарядтар мен миналардан 298 бейбіт тұрғынның, оның ішінде 22 бала өлімін тіркеді. Сондай-ақ 632 адам зардап шекті.