Ұлытаудағы қаза тапқан кеншілердің тізімі жарияланды

 "Қазақмыс" корпорациясына қарасты "Жомарт" кенішіндегі шахта опырылып, кеншілер қаза тапты. 

Қаза болған кеншілердің тізімі:

1. ⁠Ақшалов Қайрат Аманбекұлы, 1975 жылы туған (50 жаста), насос машинисі;
2. Жақұбаев Ардақ Боранбайұлы1998 жылы туған (27 жаста), жерасты тау-кен мастері;
3. Жұмадуллаев Бақытбек Нышанұлы, 1975 жылы туған (50 жаста), жерасты кеншісі;
4. ⁠Кенжебеков Орынбек Әмірханұлы, 1991 жылы туған (34 жаста), тиеу-жеткізу машинасының машинисі;
5. Молдабеков Ғалымжан Есенбекұлы, 1978 жылы туған (47 жаста), бұрғылаушының көмекшісі;
6. Нурулдаев Олжас Жағалбайұлы, 1979 жылы туған (46 жаста), жерасты учаскесінің энергетигі;
7. Рожков Константин Владимирович, 1992 жылы туған (33 жаста), жерасты тау-кен және туннельдік техниканың электр монтажшысы.

Айта кетейік, 17 ақпан күні кешке Ұлытау өңіріндегі "Жомарт" кенішінде 7 шахташы топырақ опырылып, астында қалып қойғаны туралы хабар тарады. 

"Оқиға салдарынан 7 жұмысшы үйінді астында қалды. Кабельдің үзілуіне байланысты қазіргі уақытта жұмысшылармен байланыс жоқ", - делінген бұған дейін баспасөз хабарламасында.

18 ақпанға қараған түні құтқарушылар тобы іздестіру-құтқару жұмыстары кезінде "Қазақмыс" корпорациясының алты қызметкерінің денесін тапты.

Таңертең кейіннен тағы бір кеншінің денесі табылды.