Із-түссіз жоғалып кеткен спортшы Серік Нұрқазов табылды

Қалалық ПД хабарлағандай, Серік Нұрқазов аман-есен табылған, қазір туыстарының қасында.

Еске сала кетейік, бұған дейін Алматыда 64 жастағы Серік Нұрқазовтың 14 желтоқсанда жоғалып кеткені хабарланған болатын.

Серік Төкенұлы Нұрқазов – боксшы, КСРО-ның еңбек сіңірген спорт шебері. Қазақстанның және халықаралық турнирлердің бірнеше дүркін жеңімпазы.

КСРО халықтары спартакиадасының күміс (1979) және қола медалін алды (1983).

Еуропа чемпионы (1983, Варна, Болгария) және қола жүлдегері (1981, Тампере, Финляндия)

КСРО чемпионы (1982, 1984, 1986), күміс (1979, 1980), қола жүлдегері (1983, 1987)

Әлем кубогінің күміс жүлдегері (1983, Рим, Италия) болған.