Жанқош Тұраров қашан шаршы алаңға шығатыны белгілі болды

Кәсіпқой боксшы Жанқош Тұраров (27-0, 20 KO) бірінші жартылай орта салмақтағы IBO чемпиондық атағын 16 желтоқсан күні қорғайды, - деп хабарлайды Zhasalash.kz Vesti.kz сайтына сілтеме жасап.

Бұған дейін Жанқош Тұраров танзаниялық боксшы Ибрагим Класса Мгендермен (30-6, 14 КО)  жұдырықтасатыны анықталған болатын. Қарсыласы бір кездері IBF рейтингінде алғашқы ондыққа енген. Жекпе-жектерінің көпшілігін өз елінде өткізген.

Жанқош Тұраров IBO чемпиондық белбеуін наурыз айында Алматыда мексикалық Алехандро Менесесті (16-6, 9 KO) нокаутқа түсіргеннен кейін иеленген болатын.