Астананың “Барысы” құрлықтық хоккей лигасының кестесiне сәйкес ақпан айының соңғы ойынын Нижнекамскiде өткiзiп, жергiлiктi “Нефтехимик” командасынан 2:4 есебiмен ұтылып қалды. “Барыс” сапынан екi шайбаны Кевин Даллмэн мен Максим Спиридонов соқты. “Барыс” хоккейшiлерi “Нефтехимикпен” кездеспес бұрын Тольяттиде “Лада” хоккейшiлерiмен ойнап, 2:1 есебiмен басым түскен-дi. Құрлықтық хоккей лигасының келесi ойыны наурыз айында бiр-ақ жалғасады. Бұған дейiн 58 ойында 73 ұпай жинаған астаналықтар плей-офф ойындарына жолдамасын қоржындарына салды. Турнир кестесiнiң он төртiншi сатысында келе жатқан “Барыс” хоккейшiлерi наурыз айында небәрi үш-ақ ойын өткiзедi.