Норвегиялық төрешi Хеннинг Эвребенiң есiмi футбол жанкүйер­лерiне жақсы таныс. Былтыр Чемпиондар лигасының жартылай финалында “Челси” мен “Барселона” футболшыларының арасындағы ойынға төрелiк жасаған атышулы Хеннинг Эвребе ғой бұл. Чемпиондар лигасындағы ең даулы ойында өрескел қателiкке бой алдырып, ағылшындардың “ата жауына” айналған норвегиялық төрешi, ендi мiне, итальяндықтарды да өзiне “жау“ етiп алды. “Бавария” мен “Фиорентина” командаларының арасындағы ойынға төрелiк жасаған Хеннинг Эвребе ойынның 89-минутында “Фиорентинаның” қақпасына соғылған допты есепке алып, тағы да дау-дамай тудырды. Шындығында, “Бавария” шабуылшысы Мирослав Кло­зе ойыннан тыс қалған-ды. Мұны ойынның соңында футболшының өзi тұрмақ, “Бавария” клубының басшысы Франц Беккенбауэр де мойындады. Ал төрешiнiң айтуынша, ол Мирослав Клозенiң ойыннан тыс қалғанын байқамаған.

Бүгiн және ертең Чемпиондар бәсекесiнiң тағы төрт ойыны ойналады. “Штутгарт” (Германия) – “Барселона” (Испания), “Олим­пиа­кос” (Грекия) – “Бордо” (Франция) арасындағы ойын бүгiн ойналса, “Интер” (Италия) – “Челси” (Англия), “Севилья” (Испания) – ЦСКА (Ресей) арасындағы ойындар ертең өтедi.

 

“Эвертон” (Англия) – “Спортинг” (Португалия) – 2:1;

“Рубин” (Ресей) – “Хапоэль” (Израиль) – 3:0;

“Аякс” (Голландия) – “Ювентус” (Италия) – 1:2;

“Брюгге” (Бельгия) – “Валенсия” (Испания) – 1:0;

“Вильярреал” (Испания) – “Вольфсбург” (Германия) – 2:2;

“Стандард” (Бельгия) – “Зальцбург” (Австрия) – 3:2;

“Твенте” (Голландия) – “Вердер” (Германия) – 1:0;

“Лилль” (Франция) – “Фенербахче” (Түркия) – 2:1;

“Атлетик” (Испания) – “Андерлехт” (Бельгия) – 1:1;

“Копенгаген” (Дания) – “Олимпик” (Франция) – 1:3;

“Панатинаикос” (Грекия) – “Рома” (Италия) – 3:2;

“Атлетико” (Испания) – “Галатасарай” (Түркия) – 1:1;

“Фулхэм“ (Англия) – “Шахтер” (Украина) – 2:1;

“Ливерпуль” (Англия) – “Униря” (Румыния) – 1:0;

“Гамбург” (Германия) – ПСВ (Голландия) – 1:0;

“Герта” (Германия) – “Бенфика” (Португалия) – 1:1;