Елордада бір жылда камера 2 есеге көбейді
Елорда әкімі Жеңіс Қасымбек Премьер-министрдің төрағалығымен өткен ведомствоаралық комиссия отырысында қаладағы камералар саны бір жыл ішінде екі есеге көбейгенін айтты.
Қазіргі таңда олардың саны 60 мыңға жеткен.
Әкімнің айтуынша, енді барлық бейнекамералар бірыңғай ахуал орталығына біріктіріледі. Сонымен қатар, автоматты түрде тіркелетін құқықбұзушылық түрлері 4-тен 15-ке дейін ұлғаяды.
Бұған қоса, жасанды интеллект негізінде бейнебақылауды талдаудың 35 түрі енгізілмек. Бұл шаралар Астана қаласында жол-көлік оқиғаларының санын азайтуға бағытталған.