Қазақстан ұлттық құрамасының бас бапкері қызметінен кете ме?
Қазақстан футбол федерациясы ұлттық құраманың бас бапкері Талғат Байсуфинов қызметінен кетуі мүмкін деген ақпараттың шындыққа сәйкес келмейтінін мәлімдеді.
Федерация мәліметінше, ҚФФ маманға толық сенім білдіреді және оның кәсіби қызметін, Қазақстан ұлттық құрамасын дамытуға қосқан үлесін, сондай-ақ команданы алдағы матчтар мен турнирлерге дайындау бағытындағы жұмысын жоғары бағалайды.
Сондай-ақ ҚФФ бұқаралық ақпарат құралдары өкілдерін, блогерлер мен әлеуметтік желі қолданушыларын тек ресми дереккөздерге сүйенуге және расталмаған ақпаратты таратпауға шақырды.
Федерация кадрлық өзгерістерге қатысты барлық ресми ақпарат тек ҚФФ-ның ресми ресурстарында жарияланатынын атап өтті.