Талдықорғанда 17 жыл бойы іздеуде болған есірткі саудагері ұсталды
Талдықорғанда құқық қорғау органдары 17 жыл бойы іздеуде жүрген ер адамды қолға түсірді. Ол ауыр есірткі қылмысына қатысы бар деген күдікпен іздестірілген.
Полицияның мәліметінше, ер адам 2008 жылы есірткі заттарын заңсыз өндіру және сату ісі бойынша тергеуден бой тасалаған. Содан бері ол жеке басын өзгертіп, жалған құжаттармен өзге өңірлерде жасырынып келген.
Жедел-іздестіру шараларының нәтижесінде күдікті Талдықорған қаласында анықталып, қамауға алынды. Қазір ол уақытша ұстау изоляторында, сотқа дейінгі тергеу амалдары жүргізілуде.
Полиция өкілдері бұл көпжылдық іздеу жұмыстарының нәтижесі екенін атап өтті. Тергеу барысында оның басқа есірткі қылмыстарына қатысы бар-жоғы да тексеріліп жатыр.