Жазылу
11:33, 13 Қыркүйек 2024
Трамп Харриспен екінші теледебаттан бас тартты
АҚШ президенттігіне үміткер Дональд Трамп қарсыласы Камала Харриспен екінші теледебаттан бас тартты, деп хабарлайды DW басылымы. Бұл туралы Трамптың өзі 12 қыркүйек, бейсенбі күні Truth Social әлеуметтік желісінде жарияланған жазбасында мәлімдеді.
Трамп Харристі «жекпе-жекте жеңілген боксшымен» салыстырды және «реваншты қалайды» деп болжайды.
«Сауалнамалар менің радикалды солшыл Демократиялық партияның кандидаты Камала Харриске қарсы пікірсайыста жеңгенімді анық көрсетті», - деді Трамп.
Одан әрі ол өз лауазымында АҚШ-тың қазіргі президенті Джо Байден мен қазіргі вице-президент Харристі елді «жойып жіберді» деп айыптады.
«Үшінші пікірталас болмайды!» – деп қорытындылады ол.
