Жазылу
100 жылдыққа 100 газет
Биыл «Жас Алаш» газетінің жарық көргеніне 100 жыл. Бір жыл бойы «Жас Алаштың» 100 жылдығына байланысты түрлі шаралар ұйымдастырылып, басылымның мерейтойына қатысты облыстарда, аймақтарда арнайы «Жас Алаш» күндері де өткізілді.
Әділдіктің туын жықпаған, жұрттың сөзін сөйлейтін «Жас Алашқа» деген халықтың ықыласы ерекше. Қазір «Жас Алашқа» жазылу науқаны жалғасуда. Газетке жазылу бір жыл бойы жүреді. Әр айдың 25-сі күні жазылсаңыз, келесі айдың басында «Жас Алаш» қолыңызға тиеді.
Күні кеше еліміздің Батыс аймағынан ақжолтай хабар да жетті. Батыс Қазақстан облысындағы «Жайық Пресс» ЖШС 100 жылдыққа орай 100 дана «Жас Алашқа» жазылуды ұйғарыпты. Біз өз тарапымыздан осы іске ұйытқы болған «Жайық-Пресстің» бас директоры Табылғали Сапаров мырзаға алғысымызды айтамыз. Табылғали Сатқалиұлының бұл игі ісі өзгелерде де үлгі болса қанекей.
Қазақ баспасөзінде өзіндік орын бар, әрдайым халықтың жоғын жоқтап, мұңын мұңдап жүрген «Жас Алашқа» жазылуға басқа да аймақтардың, облыстардың жергілікті билігі ат салысса дейміз. «100 жылдыққа 100 газет» науқанын әкімдер мен шенеуніктер әрі қарай жалғастырып әкетсе нұр үстіне нұр болар еді. Алыстағы Батыс Қазақстан облысы қазақ басылымына жанашырлық білдіріп, газетке жазылуда белсенділік танытып жатқан тұста, «іргеміздегі Алматы облысы, Жамбыл, Шығыс Қазақстан облыстары және басқа қалалар мен ірі мегаполюс Алматы қаласының әкімдігі де бұл істен қалыс қалмас» деп үміттенеміз.
