17 жастағы Дастан Сәтпаев әлемдік рейтингте көш бастады

Тізімнің көшін Қазақстан ұлттық құрамасы мен алматылық «Қайраттың» 17 жастағы шабуылшысы Дастан Сәтпаев бастады. Оның әлеуеттік рейтингі – 88,6. Бұл чемпионаттағы орташа көрсеткіштен (65,6) айтарлықтай жоғары.

Екінші орында Гондурас құрамасы мен «Олимпия» клубының 18 жастағы форварды Дерек Монкада (86,7), үшінші орында Боливияның «Боливар» клубының қорғаушысы Эсклейсон Фрейта (87,1) тұр.

TransferRoom мәліметінше, бұл ойыншылардың әлеуеті Йозуа Киммих, Усман Дембеле және Рубен Диас сынды жұлдыздардың қазіргі деңгейіне сай.

Айта кетейік, Дастан Сәтпаевтың көрсеткіші 2025 жылғы «Алтын доп» иегері Усман Дембеледен де жоғары.