39 жастағы әйел қатерлі ісікті менструация ауырсынуы деп түсініп, 6 мүшесінен айырылды

Бірнеше жыл бұрын Луиза есімді әйел бірнеше ай бойы цикл кезінде іштерінің қатты құрысуларын сезген. Бастапқыда ол бұл ауырсынуды уақытша белгі деп санаған. Алайда уақыт өте келе ауруы үдей түскен. Терапевтпен кеңескен Луизада асқазан-ішек жолдарының проблемалары анықталған, бірақ тағайындалған дәрі-дәрмектер еш көмектеспеген.

Артынша дәрігерлер әйелді УЗИ-ге түсірген. Зерттеу нәтижесінде Луизада диаметрі 17 сантиметрге жететін аналық без кистасы бар екені анықталған. Ісік қуық пен бүйрекке қысым жасап, асқазанға да өскен. Сараптамалар соқыр ішекте ісік барын көрсетіп, шұғыл ота жасауға тура келген.

«Ол кезде менің бар өмірім көз алдымнан өтті. Бірнеше жыл бұрын мен анамнан дәл осы диагноз арқылы айырылдым, сондықтан тарих қайталанады деп қорықтым. Солай жерлеу рәсімін де жоспарладым», - деп еске алады Луиза.

Луизаға псевдомиксома peritonei деп аталатын қатерлі ісіктің сирек түрі диагнозы қойылған. Бұл ісіктердің әртүрлі түрлерінің метастазасымен дамитын диффузды муцинозды карциноматоздың бір түрі. Қарапайым тілмен айтқанда, бұл тіндерде фиброздың пайда болуын тудыратын сирек кездесетін қатерлі ісік, бұл зардап шеккен органдардың дисфункциясына әкеледі.

Луизаның өмірін сақтап қалу үшін дәрігерлер күрделі ота жасаған, дәрігерлер ота барысында алты органды: көкбауыр, соқыр ішек, жіңішке ішек, аналық бездер, жатыр және бауырдың бір бөлігін алып тастаған. Бұл күрделі араласу қатерлі ісіктің одан әрі таралуын болдырмау үшін химиотерапиямен толықтырылуда. Емдеу жақсы нәтиже беріп, Луизаның денсаулығы жақсарған. 

Жатыры мен аналық бездерін алып тастау операциясының арқасында Луиза ерте менопаузаға түскен. Ол қазір аурудың белгілерін жеңілдету үшін гормондарды алмастыратын терапияны қабылдауда.

Барлық қиындықтарға қарамастан, Луиза оптимистік көзқараспен болашақтан үлкен үміт күтеді. 

"Әйелдер, денсаулығыңызды тексертуден қорықпаңыз, егер ай сайын ауырсыну белгілерін байқасаңыз, бірден тексерілген абзал», - деп қорытындылады Луиза.