Колумбияда 100-ден астам әскери қызметкер отырған ұшақ апатқа ұшырады
Колумбияның Әуе күштеріне тиесілі Hercules C-130 әскери ұшағы елдің оңтүстігінде апатқа ұшырады.
Ұшақ бортында 100-ден астам әскери қызметкер болған.
Caracol радиостанциясының мәліметінше, елдің қорғаныс министрі Педро Санчес X әлеуметтік желісінде апат болғанын растаған. Алайда ұшақтағы адамдардың нақты саны көрсетілмеген.
Министрдің айтуынша, апат орнына әскери қызметкерлер жіберілген. Қазіргі уақытта құрбандар саны мен апаттың себептерін нақты анықтау мүмкін болмай отыр.
Т. РАУШАНҰЛЫ
Т. РАУШАНҰЛЫ
