ФК «Ақтөбе» жаңа төрағасының баспасөз конференциясы жанжалмен аяқталды

Клубтың болашағы туралы баяндама жасап тұрған сәтте конференц-залға «Ақтөбе» жанкүйерлері кіріп келді. Олар өздерімен бірге Оспановтың бұрын әлеуметтік желілерде клуб пен оның жанкүйерлеріне қатысты айтқан пікірлері жазылған үлкен плакаттарды ала келген.

Жанкүйерлер плакаттарды журналистердің көз алдында жайып, жаңа төрағаның бұған дейін «Ақтөбе» клубын және оның фанаттарын кемсіткен сөздерін еске салды. Атап айтқанда, ол жазбаларда «Ақтөбе» «тарихы жоқ провинциялық клуб», ал жанкүйерлер «пілге үрген күшікке» теңелген.

Фанаттардың айтуынша, мұндай көзқарасы бар адам клубты басқаруға моральдық құқығы жоқ.

«Бізді кемсіткен адамды қабылдамаймыз және оның отставкасын талап етеміз», – деді жанкүйерлер.

Клуб өкілдері наразылық білдірген фанаттарды залдан шығаруға тырысты.

Кейінірек Арман Оспанов бұл жағдайға байланысты пікір білдіріп, барлық білімі мен тәжірибесін ФК «Ақтөбенің» дамуына бағыттайтынын, ал жеке көзқарастарын қызметтен тыс қалдыратынын мәлімдеді.

Жаңа басшының айтуынша, клубтың алдағы үш жылға арналған жоспары ауқымды. Биыл «Ақтөбе» Қазақстан Премьер-лигасының үздік үштігіне еніп, Қазақстан Кубогын жеңіп алуды мақсат етеді. Ал 2027 жылы ел чемпионы атанып, еурокубоктардың негізгі кезеңіне шығу жоспарланып отыр. Кейінгі кезеңде УЕФА турнирлеріне тұрақты қатысу көзделген.