Қазақстандық әлем чемпионы 2026 жылғы алғашқы жеңісіне қол жеткізді

Ширек финал жолдамасы үшін өткен жекпе-жекте Сабырхан 2025 жылғы әлем чемпионы, Кабо-Верде елінің өкілі Аилтон Монтейрумен жұдырықтасты. Кездесу толық қашықтыққа созылып, төрешілердің бір ауыздан шығарған шешімімен қазақстандық боксшының жеңісімен аяқталды.

Айта кетейік, Boxam Elite 2026 турнирі 3–8 ақпан аралығында Испанияның Ла-Нусия қаласында өтіп жатыр. Бұл жарыста Қазақстан құрамасы әйелдер арасында 14, ерлер арасында 18 спортшымен қатысуда.

Қазіргі таңда жарыстан мына боксшылар шығып қалды:

• Сымбат Алиаскар (54 келіге дейін),

• Шахназ Исаева (57 келіге дейін),

• Аяжан Ермек (60 келіге дейін),

• Асем Танатар (65 келіге дейін),

• Даулет Молдашев (60 келіге дейін),

• Санатали Төлтаев (65 келіге дейін).

Ал Төрехан Сабырханнан бөлек, Назерке Серік (65 келіге дейін) пен Нұрбек Мұрсал (70 келіге дейін) де турнирдің ширек финалына жолдама алды.