Абай облысын газдандыру мәселесі Ресейден газ тарту арқылы шешілуі мүмкін

Энергетика министрлігі елдің шығыс бөлігін газдандыруға қатысты екі нұсқаны қарастыруда: аймақты өз газымен немесе Ресей Федерациясынан газ маршрутымен қамтамасыз ету.

«Бағыттардың бірі – «Сарыарқа» газ құбырының 2 және 3-кезеңдерінің құрылысы. Дегенмен, Бейнеу-Бозой-Шымкент газ құбырын ұлғайтқанда ғана бұл жобаны жүзеге асыруға болады. Сондықтан «Сарыарқа» магистральдық газ құбырының барлық кезеңдері мен Бейнеу – Бозой – Шымкенттің екінші желісінің құрылысы бір мезгілде жоспарланған. Газдандыру бойынша мұндай жоспарлар бар, бірақ келіссөздер уақытты қажет етеді», - деді Сұңғат Есімханов.

Энергетика вице-министрі сондай-ақ АЭС салу мәселесі бойынша жоспарланған референдумды талқылаудың маңыздылығын атап өтті.

"Қазір жалпы атом энергетикасын қолдау қажет пе деген мәселесі тұр. Референдумнан кейін қазақстандықтар АЭС құрылысын қолдаған жағдайда, олармен кім айналысатыны туралы мәселе шешілетін болады. Біз Оңтүстік Корея, Франция, Қытай, Ресей технологияларын зерттеудеміз. Бүгінде әлемде 60-қа жуық атом реакторы салынуда. Атом электр станциясының құрылысы елге, оның ішінде Абай облысы үшін де өте сенімді базалық электр энергиясын береді. АЭС 90% - ға дейін тиімділікке ие және жұмыста өте сенімді", - деді Сұңғат Есімханов.