Ақтау тұрғындары ауыз су мәселесін шешуді талап етіп жолды жапты

Видео авторының айтуынша, тұрғындар үш күннен бері ауыз сусыз және техникалық сусыз отыр. Олар биліктің назарын мәселеге аудару үшін жолды жапқандарын айтқан. 

Салдарынан көшеде көлік кептелісі болып, оқиға орнына полиция келгені айтылады.

Ақтау қаласы әкімдігінің баспасөз қызметі тұрғындарға құзырлы орган өкілдерін жіберетінін айтқан.

Айта кетейік, 19-шы ықшамаудан тұрғындары мұндай жағдайға алғаш рет барып отырған жоқ.  Биыл маусым айында олар тағы да су тапшылығына байланысты жолды жауып тастаған болатын. Құзырлы органдар халықпен түсіндіру жұмыстарын жүргізген.