Ақтаудағы ұшақ апаты: аман қалғандардың тізімі шықты

Тірі қалған (жарақат алған) жолаушылардың тізімі:

Бұған дейін Әзірбайжан әуе жолдары жолаушылардың толық тізімін жариялаған болатын.

Бакуден Грозныйға ұшқан ұшақ Ақтауға шұғыл қонуды сұрады деген алғашқы ақпарат сағат 11:20-да пайда болды.

Грозный әуежайының баспасөз қызметінің хабарлауынша, бағыттың өзгеруіне қалың тұман себеп болған. Ұшақ алдымен Махачкалаға, одан кейін Ақтауға қайта бағыт алған.

Алғашында ұшақтың қатты қонғаны хабарланып, кейін ұшақтың құлағаны белгілі болды. Апат болған жерден түсірілген кадрлар да пайда болды.

Бұқаралық ақпарат құралдарының хабарлауынша, апатқа ұшақтың құстарға соғысуы себеп болған.

Ұшақ бортында 67 адам, оның ішінде 5 экипаж мүшесі болған. Қазақстан Республикасы Көлік министрлігінің алдын ала мәліметі бойынша, ұшақ бортында Әзірбайжанның 37, Қазақстанның 6, Қырғызстанның 3, Ресей Федерациясының 16 азаматы болған.

Денсаулық сақтау министрі Ақмарал Әлназарованың айтуынша, Ақтаудағы оқиға орнына 14 жедел жәрдем бригадасы шыққан.

Маңғыстау облысының денсаулық сақтау басқармасының хабарлауынша, ұшақ құлаған жерден түрлі дене жарақаттарымен облыстық ауруханаға 12 адам (оның бірі бала) жеткізілген.