Олимпиада чемпионы Данияр Елеусінов ұсталды

Полицияның мәліметінше, Toyota Land Cruiser автокөлігінің жүргізушісі бірнеше көлікпен соқтығысып, оқиға орнынан кетіп қалған. Кейін көлік Достық көшесінде тоқтатылған.

Тексеру барысында рөлде отырған 35 жастағы ер адамның алкогольдік масаңдық белгілері болғаны анықталған. Оқиға салдарынан зардап шеккендер жоқ.

Құқық қорғау органдары заң алдында барлық азаматтың жауапкершілігі бірдей екенін атап өтті. Ведомство өкілдерінің айтуынша, адамның танымалдығы немесе қызметі құқықтық баға беруге әсер етпейді.