Жазылу
14:50, 16 Шілде 2024
Алматыда автобус соғылып, тоғыз жолаушы зардап шекті
Алматыда жүк көлігі аялдамада тұрған №137 автобусқа соқтығысты. Қоғамдық көлік қатты соққының әсерінен жеке үйдің қоршауына кіріп кеткен.
Алматы полициясы жол апатының сағат 09:15-те Алматының Наурызбай ауданында болғанын мәлімдеді.
"Жүк көлігінің жүргізушісі Әшімов көшесімен солтүстік бағытта, Шаляпин көшесінің солтүстігінде келе жатып, аялдама кешенінде тоқтаған 137-маршрут автобусына соқтығысқан. Инерция бойынша автобус жол жиегіне шығып, жекеменшік үйдің қоршауына соғылған", – деп хабарлады полиция.
Жол апаты салдарынан тоғыз жолаушы зардап шекті. Жол-көлік оқиғасының басқа да мән-жайлары анықталып жатыр.
