Алматыда Санжар Боқаевқа қатысты сот басталды
Алматыда қоғам белсендісі Санжар Бокаев пен оның видеографы Ұлан Нүсіпқожаға қатысты сот процесі басталды.
Алғашқы отырысқа айыпталушыларды қолдап ондаған адам келген. Журналистер жеке залға орналастырылды. Алайда сот отырысының тікелей трансляциясы кешігіп басталған.
Санжар Боқаевқа Қазақстан Республикасы Қылмыстық кодексінің бес бабы – 190, 188, 218, 340 және 274-баптары бойынша айып тағылып отыр. Олардың қатарында аса ірі мөлшердегі алаяқтық, ұрлық, қылмыстық жолмен алынған ақшаны заңдастыру, ағаштарды заңсыз кесу және көрінеу жалған ақпарат тарату баптары бар.
Тергеу нұсқасына сәйкес, Боқаев сыбайластарымен бірге ірі көлемдегі алаяқтық схемасын ұйымдастырған. Сондай-ақ тергеушілер оның заңсыз жолмен алынған қаражаттың шығу тегін жасыру үшін түрлі қаржылық операцияларды пайдаланғанын алға тартады.
Боқаев 2026 жылдың наурызында Алматыда ұсталған. Онымен бірге сот алдында оның жиені Мадияр Қалменов пен Ұлан Нүсіпқожа да жауап беріп жатыр.
Тергеу мәліметінше, Қалменов Боқаев мемлекет қатысатын компанияларда жұмыс істеген кезеңде қаражатты заңсыз шығаруға көмектескен. Ал Нүсіпқожа мемлекеттік мүлікті ұрлауды ұйымдастыруға қатысып, тергеу сахналанған деп есептейтін әрекеттерді, соның ішінде ағаштарды заңсыз кесуді бейнежазбаға түсірген.
