Жазылу
09:10, 07 Қыркүйек 2023
Алматыда жүргізушісіз автобус төрт көлікті соқты
Алматыда жүргізушісі жоқ автобус төрт көлікті соқты. Оқиға түнгі сағат 00:50-де болған, 79-шы бағыттағы автобус Абай даңғылы мен Наурызбай батыр көшесінің қиылысына жақын маңда жол жиегінде тұрып, өздігінен кері қозғалып, төрт көлікті соқты.
Оқиға орнынан түсірілген видео Instagram желісінде жарияланды.
Алматы қалалық полиция департаментінің мәліметінше, KIA көлігіндегі жолаушы дене жарақатын алған.
«Бұл фактіні Бостандық ауданының полиция бөлімінің қызметкерлері назарға алды. Мән-жай анықталып жатыр», — деп хабарлады Алматы қалалық полициясының баспасөз қызметі.
Айта кеетйік, Шымкентте жүргізушісі жоқ автобус 6 адамды қағып кетіп, салдарынан екі әйел мен жасөспірім оқиға орнында және кәмелетке толмаған қыз жансақтау бөлімінде көз жұмған еді.
Оқи отырыңыз
