Алматыны көркейтіп жатқан қасбеттер
Алматы қаласында тұрғын үйлердің қасбеттерін жаңарту жұмыстары жалғасуда. Бұл қала көшелерінің заманауи, көрікті әрі жинақы келбетке ие болуына мүмкіндік береді.
Жұмыстар барысында әртүрлі әрлеу материалдары мен технологиялары қолданылады. Ғимараттардың қасбеттері табиғи гранитпен, әктаспен (лаймстоун), сондай-ақ алюминий композиттік панельдермен қапталады. Сонымен қатар сылақтау және сырлау жұмыстары жүргізіліп, ғимараттардың сыртқы келбеті жаңартылып, оларға ұқыпты әрі аяқталған көрініс беріледі.
Материалдарды таңдау әр ғимараттың сәулеттік ерекшеліктері мен жоба талаптарына байланысты. Табиғи таспен қаптау қасбеттердің өзіндік бедері мен сәулеттік айшықтылығын айқындай түссе, композиттік панельдер ғимараттарға заманауи сипат береді. Ал сапалы сылақтау мен жаңадан сырлау үйлердің сыртқы келбетін жақсартып, қала кеңістігінің эстетикалық тартымдылығын арттырады.
