Ақтөбеде ауылдастарын жиһадқа үндеген ер адам 7,5 жылға сотталды
Ақтөбеде терроризмді насихаттады деп айыпталған ер адам 7 жыл 6 айға бас бостандығынан айрылды.
Сот материалдарына сәйкес, ол айналасындағы адамдарға жиһад туралы айтып, оған қатысуды діни міндет ретінде түсіндірген. Сондай-ақ жиһадты намаздан жоғары қойған.
Айыптау актісінде сотталушының радикалды діни идеологияның ықпалында болғаны және өз көзқарасын өзгелерге таратуға тырысқаны айтылған.
Іс материалдарына сәйкес, 2026 жылғы 11 наурызда ер адам адамдарды жиһадқа қатысуға үндеп, мұны діни міндет деп түсіндірген.
Сот отырысында ол өз кінәсін толық мойындады. Сондай-ақ жиһад туралы мәліметті бұрын оқыған діни әдебиеттерден алғанын айтты.
Сайт Әкімшілігі
Сайт Әкімшілігі
