Қазақстандық жүк тасымалдаушылар Ресеймен шекарада QR-код көрсетуге міндеттелді

Жаңа тәртіпке сәйкес, Ресейдегі жүк алушы тауар жеткізілімі алдында арнайы құжат рәсімдеп, QR-код алуы тиіс. Бұл код жүргізушіде электронды немесе қағаз түрінде болуы қажет. Егер расталған QR-код болмаса, жүк көлігі Ресей аумағына кіргізілмей, кері қайтарылуы мүмкін.

Қазақстан Республикасы Қаржы министрлігінің Мемлекеттік кірістер комитеті тасымалдаушыларға QR-кодтың бар-жоғын алдын ала тексеруге кеңес берді.

Сонымен қатар ведомство кодтағы мәліметтерді жүк құжаттарымен сәйкестендіріп, рәсімдеудегі қателіктер шекарадан өту уақытын ұзартып жіберуі мүмкін екенін ескертті.