Люкс пәтерлер, Mercedes және Rolex. Перизат Қайраттың мүлкі тәркіленді

Перизат Қайрат көктемгі су тасқынынан зардап шеккен азаматтарға, сондай-ақ Палестина тұрғындарына гуманитарлық көмек көрсету үшін жиналған 1,7 миллиард теңгеден астам ақшаны ұрлады деген күдікке ілінген.

"Соттың санкциясымен Астана қаласындағы ЖК Akbulak Riviera, Highvill Ishim Gold, "Көк Жайлау" , Sensata Plaza тұрғын үй кешеніндегі пәтерлер, сондай-ақ Vela Village коттедж қалашығындағы баспана мен Mercedes-Benz S450, Mercedes-Benz EQE 500, Lexus LX-600, Haval көліктері тәркіленді", - делінген хабарламада.

Перизат Қайраттың тұрғылықты жерін тінту кезінде Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada сияқты әйгілі әлемдік брендтердің бұйымдары да тәркіленді.

«Тәркіленген мүлік айғақ ретінде алынды. Тәркіленген заттардың одан әрі тағдыры ҚР Қылмыстық іс жүргізу кодексінің 201-бабына жария етуге жатпайды», - дейді ҚМА.