Маңғыстауда рұқсатсыз мұнай өндірген компанияға айыппұл салынды

Жер қойнауын пайдаланушы «Жалғызтөбемұнай» ЖШС 2024 жылдың 1-11 қаңтар аралығында экологиялық рұқсатсыз мұнай және ілеспе газ өндіруді жүзеге асырған, делінген прокуратура хабарламасында.

Прокурорлық қадағалау актісімен аталған мекеме Қазақстан Республикасының Әкімшілік құқық бұзушылық туралы кодексінің 328-бабының 1-бөлігі бойынша әкімшілік жауапқа тартылды.

Сонымен қатар, компанияға 7,8 млн теңге айыппұл салынды.