«Мектепке жол» қайырымдылық акциясы және «Динамо» ДШСҚ ҚБ
Ең көне дене шынықтыру-спорт қоғамы «Мектепке жол» республикалық қайырымдылық акциясына жыл сайын белсенді түрде қатысып келеді.
Бұл жолы Төтенше жағдайлар министірлігі қызметкерлерінің отбасыларына ерекше көңіл бөлінді.
Қоғамның Алматыдағы стадионында Төтенше жағдайлар министірлігі қызметкерлерінің аз қамтылған және көпбалалы отбасыларынан шыққан ондаған бала — болашақ бірінші сынып оқушылары — салтанатты жағдайда Қоғам аппаратының басшысы Гүләйім Махатқызы мен танымал гимнаст Милад Каримидің қолынан мектепке қажетті заттарға толы сөмкелер алды.
Сөмкелердің ішінде кеңсе тауарлары: қаламдар, дәптерлер, оқулықтар, қарындаштар, сондай-ақ «Динамо» қоғамының әйгілі эмблемасы бейнеленген спорттық костюмдер болды.
Өз сөзінде Гүләйім Махатқызы аз қамтылған отбасыларға, жетім балаларға, ата-анасының қамқорлығынсыз қалған немесе өмірлік қиын жағдайға тап болған балаларға көмек көрсету динамолықтар үшін үлкен мәртебе әрі абыройлы міндет екенін атап өтті.
Бұл — биылғы жылы өткізілген алғашқы осындай іс-шара емес. Бүгінгі акция «Динамо» қоғамы мен күштік құрылымдар арасындағы ерекше байланыстың және өзара қолдаудың тағы бір айқын дәлелі болды.
Балалардың қуаныштарын ата-аналары да бөлісті.
«Біз, ата-аналар және Төтенше жағдайлар министірлігі қызметкерлері, қолдау көрсеткені үшін «Динамо» қоғамына алғысымызды білдіреміз. Тағы да зор алғысымызды айтамыз!»
